أنا قلبي توقف 4 مرات أول مرة كان في2011 ، الفيلم كان شغال وبعدين اتقطع و فجأة رجع اشتغل تاني، .. لكن ماشوفتش مثلًا حاجات زي (nde) اللي هي تجربة الدنو من الموت و ماشوفتش نفسي نايم و النفق الطويل اللي آخره نور ابيض، .. لا ماشوفتش حاجة،
.. بس طبعا الحياة بتاخد مذاق غريب مختلف لأنك جربت الموت و رجعت .. هو ده كان الموت فعلا .. يعني لو مخدتش الصدمة الكهربية كان زمانك تاني يوم بتتدفن و بتتغسل !
.. و من ساعتها من 2011 و انا عايش بشعور غريب زي اللي وصفه نجيب محفوظ .. اللي هو القطر وصل سيدي جابر فخلاص خطوتين و هيوصل اسكندرية .. و خلاص الناس بتستعد ..اللي بيلبس البالطو ، و اللي كان بيقرأ جرنان بيطبقة كدة ، خدت انا الشعور ده وقتها .. انا في سيدي جابر دلوقتي .. امتي بقي اسكندرية ؟! .. قربنا اوي .. اوي يعني
...
من حديث د. #أحمد_خالد_توفيق و وصفه لتجربة توقف قلبه.
الرئيسية 
